16.01.2021 Leontica-Nara 2000
Genug Schnee im Süden. Nara vollbetrieb und Top Wetter vorhergesagt. Grund genug sich auf Ticketcorner frühzeitig eines der 200 Tickets zu sichern.
Das Skigebiet von Nara ist ein Spätzünder und ein Projekt das nur halb gebaut immerwieder umgeplant und nur Stück um Stück in seiner jetztige Konstellation gewachsen ist.
Zwischen 1911 und 1973 fuhr zwische Biasca und Acquarossa eine Eisenbahn. Das Bleniotal war sehr gut erschlossen. Zudem wurde in dieser Zeit eine neue Eisenbahnverbindung durch die Greina diskutiert. Vor diesem Hintergrund entstanden in Leontica die Idee eines Skiresort nach französischem Vorbild. Auf der Pian di Nara sollte eine Hochhaussiedlung mit Hotel, Appartments und Schwimmbad entstehen. Mehrere Lifte und Seilbahnen sollten vom Talgrund, Bahnhof bis zum Gipfel gebaut werden. So weit kam es aber nie. Trotzdem wurde 1967 ein erster Skilift aufgestellt. Ein Jahr später innerhalb von nur 2 Monaten Bauzeit eine Sesselbahn von Leontica bis Cancori und im Anschluss ein kleiner Tellerlift von GMD. Alles war recht improvisiert. Das Restaurant eine Baracke, der Tellerlift wurde schon 5 Jahre später ersetzt. Im Jahr 1973 wurde die Eisenbahn stillgelegt, der Gotthard Strassentunnel dem Tödi-Greina Projekt vorgezogen. Das Bleniotal verlor seinen Anschluss. Trotzdem wurde 1974 das Skigebiet um eine weitere Sesselbahn und einen Skilift erweitert. Dabei bleib es aber bis heute bestehen. Die Lage, die veraltete Infrastruktur und die fehlende Bekanntheit sorgten dafür, dass das Gebiet Ende 90er Jahre vor dem Aus stand. Dank der Initiative vieler Privater aus dem Bleniotal konnte das Gebiet mit viel Herzblut und Freiwilligenarbeit am Leben gehalten werden und läuft nun mehr als Hobby von Freitag bi Sonntag. Es ist vor allem bei Familien beliebt und in ca 40min von Lugano aus erreichbar.
Das Skigebiet von Nara kennen wir hier ja schon genug. Hatten Berichte auf Deutsch, Italienisch glaub russisch. Diesmal ist mir aber aufgefallen, dass sehr viel schweizerdeutsch gesprochen wurde und weniger Lumbard. Daher werde ich diesen Bericht mal auf schweizerdeutsch verfassen.
Will in Nara d Parkplatzsituation immer chli kritisch isch, bin i schon 30min vor dr Öffnig im Bleniotal unterwägs. Do bi Malvaglia
Ds Skigebiet von Leontica Nara ligt no im Schatte aber die erste Gipfel empfange scho die erste Sunnestrahle.
Richtig Greina wo die höchere Berge vom Alpe Hauptkamm scho vo dr Sunne belüchtet sin.
Dr Namensgäbendi Piz Nara oder Pizzo Nara isch au scho an dr Sunne.
Es het scho unverhältnismässig viele Auto uf em Parkplatz. Ich han zu Glück ein Parkplatz grad bi dr Usfahrt becho so dass es zur Talstation nur grad ei Cheri isch zum Laufe.
Talstation vom kuppelbare 2er Sesselillift Leontica Cancori
Blick ins no chalte und schattige Bleniotal.
Dank em schon vorher gkaufte Bigliett bin i ohni lang warte scho 10 minute vor Betriebsbeginn uf em Lift.
Ursprünglich isch das en fixklemmte Sesselllift vo Städeli gsi wo durch Leitner uf en kuppelbare Lift umbaut worde isch. An dere Stell so de Maste stoht hets ursprünglich en Zwüscheistieg gha.
Nur no es paar Höhemeter bis an d Sunne.
Stützä 17 an dr Sunne.
Scho am 8:30 sind ali Lift in Betrieb au dr Skilift Lacunc
Der alti Doppelmayr Churzbügler isch dr ältischti Lift im ganze Skigebiet vo Nara und recht Original.
1974 bi dr grosse Norderwiterig baut worde isch dr Sessellift Alpe Nara. Gseht zwar uf dem Bild churz us aber mit 2,2kilometer isch es dr längsti fixi Sessellift vor Schwiiz.
Gliechzitig mit em Sessellift vor zweite Sektion het me dr Skilift Fontanella baut wo scho noch 5 Joor en schwache Müller Skilift ersetzt het.
En typische Städeli Skilift wo mit viel Fremdteili immer wieder erneueret worde isch. Es het grössteteils Doppelmayr Rollebatterie und Ghäng vo LST.
An dr Talstation chan dr Lift aber si ursprüngliche Hersteller nid verbärge. Er isch von Städeli.
Umstiege uf d Sektion 2 die fixklemmti Sesselbahn Alpe Nara. Isch au vo Städeli 2,2km lang het 20min Fahrziit und nur 380ph Förderleistig.
Zerscht schliicht dr Lift über d Hochebeni Pian di Nara wo ursprünglich hätt selle zun ere Restortestadt nach Französischem Vorbild usbaut wärde.
Drnoch goht der Lift steil über en Gländestuefe rund 400 Höhemeter wieter ufe.
Eine vo vilne Wyler im Bleniotal wo zum Teil als Weekendhuus oder als Feriewohnig dient.
Bi dem Sessellift gits so ziemlich alles z gseh vo flache Strecke über offeni Weide bis zu Wald und Felse isch uf dr 20 minütige Fahrt so ziemlich alles z gseh.
Noch 20 Minute het me d Bergstation erreicht. knapp 2000 Meter. Es Restaurant gits da nümme
Sektion 3 gaht no rund 220 Höhemeter witer ufe.
Sit es paar Jöhr gits links vom Lift in steili schwarzi Piste.
Die dritti Sektion Bassa di Nara isch ebefalls vo Städeli und au scho mehrfach modifiziert worde.
Süscht aber en recht klassische Städeli Skilift mit Gittermaste.
Bergstation Bassa di Nara uf rund 2200müm.
Abfahrte an dr dritte Sektion zwar mit 800m nid ganz so lang aber recht schön trassiert.
Bis uf der Felsvorsprung im Hintergrund hät in de 60er Joor sölle en Sessellift baut werde und als Aschluss an Skilift Lacunc en zweite Schlepplift bis uf dr Grat ufe.
Usstieg am höchste Punkt vom Skigebiet. Dr Name Nara2000 het me sogar um fast 200 Höhenmeter übertroffe.
Blick vom Gipfen uf d Abfahrt. Bis Leontica sind immerhin 1200 Höhemeter am Stück möglich!
Talstation vo dr dritte Sektion. Ursprünglich het dr Lift en Dieselelektrische Atrieb gha. Sit es paar Koor het me aber au da obe Strom us dr Steckdose.
Bärgstation un Bar Narabeach.
Es isch echt chalt gsi. unte im Tal ligt aber scho kei Schnee me.
Städeliromantik.
Die schwarzi Abfahrt drekt am Lift isch na recht knackig.
Vor allem dr ersti übergang.
Stütze 4 het Rollebatterie vo Doppelmayr. Wieso au immer.
Die schwarzi Diretissima hets insich.
Talstation. Mittlerwiile mues me so an die 2minute warte.
Talstation vom Skilift au es rechts Sammelsurium us verschiedene Hersteller und Stahlbaufirme.
Usstieg
D Piste links vom Lift isch recht coupiert.
Nach 5 Fahrte hets mr z viel Lüüt gha am Lift.
Drum die Variante ganz rechts vom Lift gno mit dere chund me ohni Schiebe zum Sesselilift zrügg.
Die rechti Pistevariante zrugg zum Sesselilift
Bärgstation Sesselilift und Talstation Skilift.
Dr Sesselilift beförderet näbe Skifahrer au Schlittler, Fuessgänger und Schneeschuewanderer.
D Abfahrt am Sesselilift isch recht lang uns abwächsligsriich.
Sesselilift Alpe di Nara
Bald eini vo de letschte ihrer Art dr Sesselilift Alpe di Nara.
Dr oberi Teil vo dr Piste isch recht steil und quert dr Sesselilift zwei mal.
Bevors aber wirklich Steil wird zweigt d Piste in Wald ab und goht quer am Hang entlang nach Cancori.
Sessellilift Alpe di Nara
Vo dr Abfahrt im Wald han i do kei Foto gmacht. Isch z genial gsi. Drfür am Skilift Fontanelle es foto gmacht.
Dank Corona isch d Schlange am Sessellift recht lang gsi. Me het au Extra en zickzackkurs usgsteckt. Nach em Mittag isch aber wieder alles frei gsi.
Mis nächste Ziel isch aber dr Skilift Lacunc und d Talabfahrt. Do gseht me ds Ursprüngliche Ziel vom Skigebiet der Grat in dr Bildmitti hät sellä erschlosse werde.
Skilift Lagunc au scho en echte Liftdinosaurier. 1967 als erste Lift baut.
En klassische Doppelmayr Typ-C mit schöne Fachwärkmaste.
Im gegesatz zur Talstation vor zweite Sektion liegt die vom Skilift Lacunc unterhalb vo Cancori und me mues nid berguf schiebe.
Mittlerwiile au recht selte vor allem in so unverbastletem Zuestand.
Dr Sessellift von Leontica nach Cancori
Skilift Lacunc mit seinen 300 Höhemeter. Aber en zweiti Sektion währ scho uhuere geil gsi.
Atriebstation typischi Pilzstation vo Doppelmayr
Cancori het scho no chli Lüüt gha. Vor allem Schlittler
Uf em Skilift Lacunc
Ziitewiis isch dr Lift recht steil. Mit Churzbügel elei zum Filme recht doof.
Usstieg Skilift Lagunc.
Skilift Lagunc
Links vom Lift hets zwei Pistevariante.
Abfahrt rechts vom Lift. D Lift selber sind in dr Landschaft fast nid z gseh. Uf dem Bild sind nid weniger als 4 Lift z gseh.
Zoom uf dr Lift. Vor allem bim Sessellift gseht me recht guet wie schön dass d Maste mit em Hintergrund verschmelze.
OK gege en Wiise Hintergrund isch es doch biz besser im Kontrast.
Zoom zum Gipfel mit schwarzä Diretissima.
Wills so schön gsi isch nomal dr Skilift Lagunc
D Pistevariante ganz links usse vom Lift.
Talstation. Me mues schon sägä also dr Abstand bim Astoh isch immer sehr guet ighalte worde.
Bärgstation vom kuppelbare 2er Sesselllift Cancori.
Bärgstation Skilift Lacunc
Übersicht zum obere Teil vom Skigebiet
Usstieg Skilift Lagunc
Bärgstation Skilift Fontanelle
Der Lift isch eher uninteressant wird doch fast alles vom Skilift Lacunc erschlosse.
D Bergstation staht chli amene blöde Ort. Me mues immer chli schiebe um vo der flache Ebeni weg z cho.
Skiliftnostalgie.
Steili Abschnitt vom Skilift Lagunc.
Will so schön gsi isch gad nomol.
Doch mol dr Tällerlilift Fontanella neh.
Für n Übigslift teilwiis au recht steil.
Obe de wieder chli flächer
Dr Lift het schon nach 5 Joor Betrieb en Müllerskilift ersetzt wo viel z schwach gsi isch.
Usstieg Skilift Fontanelle. Bin en nur zwei mol gfahre.
Dr Skilift Lacunc isch viel die besseri Option
Skilift Lacunc
Skilift Lagunc im obere steilere Abschnitt.
Ziemlich nätts uf und ab.
D Schlange isch scho chli chürzer.
Trotz der Südliche Lag im Tessin vergisst me schnell, dass das immerno Alpehauptkamm isch.
Atrieb Skilift Lacunc
Lustig farbig agemalti Talstation.
Talabfahrt. Es ziitli lang nur no als Route dinne jetzt wieder als präparierti Piste.
Bim ursprünliche Standort vor Zwischenstation verzweigt sich d Piste.
Da isch mol dr Zwischeistiig gsi.
talabfahrt nach Leontica. Ziemlich Steilos bis uf die letschte paar Meter
Schön griffig und fast kei Iis
En Zweierbubble vo Leitner uf en Städeli Sesselilift adaptiert.
Die letschte paar Meter zur Talstation sind recht schmal.
Talstation in leontica. Irgendwo im Nirgendwo. Eigentlich wär das nur en Zwischestation gsi. Die projektierti Luftseilbahn isch aber nie baut worde.
Dr einzig moderni Lift het au scho es paar Jöhrli uf em Buggel.
Bärgfahrt mit em Sesselilift.
Sprung zur zweite Sektion. Isch übrigens vor öbbe 10 Joor mit emene andere Occasions Sesselilift us Crans Montana ufgmotzt worde.
Isch zwüscheziitlich en rechte fahende Iischaste.
Umlänkstation im Berg
Usstieg am Bärg
Städeliromantik puur.
Diesmol han i es Foto vo dr Abfahrt im Wald gmacht.
In Cancori ca 5minute müese warte am Lift.
Dr Skilift Fontanelle
Talstation vo dr zweite Sektion.
Sesselilift Sektion II
Ja i hans no müese Fotofagiere.
20 Minute spöter an dr Bergstation.
Wills so schön gsi isch.
Nomol an dr Sektion III
Ursprünglich het de Lift au Churzbügel gha.
die schwarzi Piste am Lift
Usstieg Bassa di Nara
Dr unteri Teil vom Skigebiet isch scho im Schatte.
Abfahrt am Sesselillift
Nomol 1200 Höhemeter Talabfahrt am Stück. Drum recht wenig Föteli
Scho unterhalb Cancori im Schatte
Leitner Postbriefchäste.
Gseht würklich so us als chönnt me grad Brief ihnewärfe.
A dr Talstation.
Ds Ehemalige Depot in Aquarossa het me jetzt renoviert und dient als Busbahnhof.
In Castione het me jetzt würklich das Projekt vom Energivault ufbaut.
Wieder diheim. Isch en sehr schöne Tag gsi. Het sich jede vo dene 38 Franke glohnt.
Album:
https://www.stahlseil.ch/gallery/main.p ... mId=502832
) sehr genialen Bericht!
